Бишкекте милициянын кайгуул кызматынын издөө бөлүмү өспүрүмдү сүзүп, качып кеткен айдоочуну кармады.
Маалым болгондой, 20-декабрда саат 07:30дар чамасында Ауэзов жана Казан-Булак көчөлөрүнүн кесилишинен айдоочу жөө жүргүнчүнү сүзүп, качып кеткен. Кырсыктан 14 жаштагы С.А. аттуу өспүрүм жабыркап, ооруканага жеткирилген.
Бул факты боюнча жүргүзүлгөн ыкчам издөө иш-чараларынын натыйжасында, кылмышка шектүү катары Toyota Prius үлгүсүндөгү автоунаанын 29 жаштагы Н.К. аттуу айдоочусу колго түшүрүлүп, тергөө кызматына өткөрүлгөн.