Өзбекстандын премьер-министри Абдулла Арипов Кыргызстанга келди.
“Манас” эл аралык аэропортунан Өзбекстандын премьер-министри Абдулла Ариповду Министрлер Кабинетинин Төрагасынын орун басары Бакыт Төрөбаев тосуп алды.
Белгилей кетсек, Абдулла Арипов 26-октябрда Бишкек шаарында өтө турган Шанхай Кызматташтык Уюмуна мүчө мамлекеттердин Өкмөт башчыларынын кеңешинин , Көз карандысыз Мамлекеттер Шериктештигине мүчө мамлекеттердин Өкмөт башчыларынын кеңешинин жана Евразия өкмөттөр аралык кеңешинин жыйынына катышат.
