Кыргызстандын маданиятына эмгек сиңирген ишмер, белгилүү куудул Рахман Разыков 66 жаш курганда көз жумду. Сахналаштарынын айтымында, ал пневмония болуп Ошто дарыланып жаткан.
Кыргыз элине кеңири таанымал болгон сатирик «Таң жылдызы», «Бешилик», «Беш кемпир» топторун түзгөн. Ал 1955-жылы 12-майда Ош облусунун Кара-Суу районуна караштуу Савай айылында жарыкка келген.
«Эркин-Тоо» мамлекеттик расмий гезитинин редакциясы Рахман Разыковдун үй-бүлөсүнө, жакындарына терең кайгыруу менен көңүл айтып, кайгыларын тең бөлүшөт.
