20-июль күнү Чжэнчжоу шаарындагы метронун 5-линиясын суу каптаган. Натыйжада 500 адам эвакуацияланып, 12 адам каза болгон.
Кырсык болгон учурда вагондордо бөгөттөлгөн жүргүнчүлөрдүн биринин айтымында, 3 саат бою бөгөттөлгөн вагон суу менен толо баштады.
«Алгач суунун деңгээли төмөн болду. Куткаруучулардын бизди чыгарып кетүүгө жасаган аракети натыйжасыз болгондуктан вагондордо күтүүгө аргасыз болдук. Акырындык менен суу көтөрүлүп олтуруп белге чейин жетти. Бирок жүргүнчүлөр суудан эмес, кычкылтектин улам азайып жатканынан коркуп жатышты”, — деди ал.
Башка жабырлануучу айрым жүргүнчүлөрдүн жакындары менен сүйлөшүп, коштошконун айтып берди.
Эскерте кетсек, акыркы күндөрү Кытайдын Хэнань провинциясында катуу жаан-чачын жаап, бир катар аймактарда суу жана электр энергиясы менен камсыздоодо үзгүлтүктөр жаралган.
Метро жүргүнчүлөрү суу каптаган учур тууралуу айтып беришти
