Кечээ, 21-июль күнү кечинде Ысык-Көл облусуна караштуу Балыкчы-Ананьева-Каракол автотрассасында Lexus жана Mitsubishi үлгүсүндөгү унаалардын катышуусунда автокырсык катталып, беш киши каза болуп, дагы беш адам жаракат алып аймактык ооруканага жаткарылган. Чырпыкты айылында болгон кырсыкта каза болгон беш киши Mitsubishi автоунаасында бара жатышканы маалым болду.
2021-жылдын алгачкы беш айында Кыргызстанда 2 768 жол кырсыгы катталып, 233 киши каза табып, 4000ден ашык адам түрдүү жаракат алышкан.
