Баткен облусунун Лейлек районунда кайрадан сел жүрүп, турак жайларды жана 35 үйдү суу каптады.
Кечээ, 3-август күнү саат 17:40та нөшөрлөп жааган жамгырдан улам сел жүрүп, Ак-Терек айылындагы 11 үйдү жана 8 үйдүн короосун сел каптаган. Ошондой эле Ак-Суу айылындагы 2, Катраң айылынын Таңгиоозу аймагындагы 4, Калтарык аймагындагы 4 үйдүн короосуна суу кирген. Жалпысынан 21 үйдүн ичин жана короосун, 14 үйдүн короо-жайын суу каптаган.
ӨКМ маалыматы боюнча, Ош-Баткен-Исфана жолунун айрым тилкесин, Катраң-Өзгөрүш жолун сел алган.
Учурда ӨКМдин Лейлек райондук бөлүмү тазалоо иштери жүргүзүп, жергиликтүү комиссия табият кырсыгы тарттырган чыгымдарды тактап жатат.
