Кыргыз Республикасынын Министрлер Кабинетине караштуу Интеллектуалдык менчик мамлекеттик агенттиги (Кыргызпатент) балдар жана жаштардын чыгармачылыгына колдоо көрсөтүү максатында “Саамалык –16” республикалык адабий конкурсун жарыялайт. Конкурстук чыгармалар 2021-жылдын 1-ноябрынан 1-декабрына чейин кабыл алынат.
Конкурстун шарттары:
- Кыргыз же орус тилдеринде эч жерде жарык көрбөгөн чыгармалар болууга тийиш;
- Кыскача өмүр баяны, сүрөтү, учурда окуган (иштеген) жери жана дареги жазылуусу керек;
- Конкурска 30 жашка чейинки авторлор катыша алат.
- Чыгармалар рецензияланбайт жана кайтарылып берилбейт;
Конкурстун жыйынтыгы 2021-жылдын декабрь айында чыгарылат, тандалып алынган чыгармалар жыйнакка топтоштурулат.
Конкурстун жобосу менен www.patent.kg же http://fund.patent.kg/ сайттарынан таанышып чыгууга болот.
Конкурска Жобонун №1тиркемесине ылайык өтүнмөнү толтуруп, 1-декабрга чейин Катчылыктын fund@patent.kg электрондук почтасына же болбосо Кыргызпатенттин дарегине: 720021, Бишкек шаары, Москва көчөсү, №62ге жөнөтүү керек.
Сурап-билүү үчүн байланыш телефондор:
(0312) 68-04-71, (0700) 84-83-29
