Кыргызгидрометтин билдирүүсү боюнча 28-29-декабрь күндөрү Кыргызстанда абанын температурасы төмөндөйт.
28-декабрда түнкүсүн Ош, Жалал-Абад, Ысык-Көл, Нарын облустарынын кээ бир райондорунда, Чүй облусунун тоолуу райондорунда кар жаашы күтүлөт. Чүй облусунун дыйканчылык аймактарында жана Талас, Баткен облустарында жаан-чачын күтүлбөйт.
Жолдор тайгак жана тоңголок болот. Айрым жерлерде батыштан соккон шамалдын ылдамдыгы секундасына 15-20 метрге чейин жетиши күтүлөт.
Мындай туруксуз аба ырайы автоунаа, энергетика жана коммуналдык кызматтардын ишин жана жайыттарда малды кармоону кыйындатат.
Бүгүн, 28-декабрда абанын температурасы Чүй облусунда түнкүсүн -4…-9, күндүз 0…5 градус, Талас облусунда түнкүсүн -5…-10, күндүз 0…5 градус болот.
Ысык-Көл облусунда түнкүсүн -6…-11, күндүз -4…1 гардус, Нарын облусунда түнкүсүн -18…-23, күндүз 3…8 градуска жетет.
Ал эми Ош, Жалал-Абад жана Баткен облустарында абанын температурасы түнкүсүн 0…-5, күндүз 0…5 градус болот.
Бишкекте жаан-чачын күтүлбөйт. Абанын температурасы түнкүсүн -4…-6, күндүз 2…4 градуска чейин жетет.
