Канаданын Нью-Брансуик провинциясынын дарыгерлери жергиликтүү элдин белгисиз мээ оорусуна кабылганын изилдеп жатышат. Оору эс тутумдун начарлашына, галлюцинацияга, спазм жана булчуң атрофиясына алып барган. Алгачкы учур 2015-жылы катталган.
Дарыгерлер бул дарттын келип чыгышы аныкталбай жатканын билдиришет. Алгач, медиктер бул ооруну Крейтцфельдт-Якоб синдрому деп ойлошкон, бирок жүргүзүлгөн изилдөөлөрдүн натыйжасында, бул бүтүм четке кагылган.
Оорулуулар денедеги спазм, эс тутумдарынын начарлаганын, булчуңдары жакшы иштебей, тиштери кабышып, көздөрүнө түшүнүксүз нерселердин көрүнүп жатканын айтышкан.
Бийлик дарыгерлерге бул түшүнүксүз дарттын келип чыгышын тез арада изилдөөнү буйруп, элди алдын ала паникага алдырбоону өтүндү.
Канадада 43 адам табышмактуу мээ оорусуна кабылган. Дарыгерлер себептерин издеп жатышат
