Путин менен Байдендин телефон аркылуу сүйлөшүүлөрүнөн кийин Лондондун ICE биржасында Brent мунайынын баррели 64,03долларга чейин кымбаттады.Ал эми WTI мунайынын баррели май айынын фьючерси боюнча 60,43 доллар чейин көтөрүлдү.
Мунай менен катар эле россиялык рубль өз позициясын чыңдап, 5-апрелден бери доллар биринчи жолу 76 рублдан ылдый бааланды, евро 6-апрелдеги минимумга – 90,64 долларга түштү.
Кремлдин маалымдоосуна караганда, Байден эки тараптуу мамилелерди жакшыртууга кызыкдар экендигин билдирген.
Бирок, мунайдын кымбатташына стимул берген бул сүйлөшүүлөр гана эмес. Буга чейин Рейтер агенттиги сурамжылаган аналитиктер Кытай мунайзаттын импортун көбөйтүп жаткандыгын айтышкан.
