Кыргызстандык балбан кыз Мээрим Жуманазарова Казакстандын Алматы шаарында өтүп жаткан Азия чемпионатында алтын медаль утту. Мээрим 68 килограмм салмактагылар арасында күчүн сынап, төрт кармаш өткөрүп, өзбекстандык, казакстандык, кореялык жана монголиялык спортчулар менен кармашкан. Эске салсак, бир нече күн мурун балбан кыз Токио олимпиадасына жолдомо алган.
Ушул эле чемпионатта балбан Айпери Медет кызы күмүш медаль тагынды.
