Атом энергетикасы боюнча эл аралык агенттик (МАГАТЭ) Иран Ислам Республикасы Натанз шаарындагы ядролук объектиде 55,3 пайызга чейин байытылган уран гексафторидин (UF6) өндүрүүнү баштагандыгын тастыктады. Бул туурасында Рейтер агенттиги маалымдады. Иран аталган объектиде 11-апрелде орун алган диверсиядан кийин уранды байытууну 60 пайызга чейин жеткире тургандыгын жарыя салды. Диверсиялык аракет уранды байытууну токтото алган жок. Ал эми Агенттик көз карандысыз текшерүү үчүн байытылып жаткан урандын үлгүсүн алды.
Иран уранды 60 пайызга чейин байыта баштады
