46 жаштагы кыргызстандык жеңил атлетчи Оболбек Осмонбеков, Орозо айынын соңунда Бишкек шаарынан Казакстандын борбору Нур-Султан шаарына чейин чуркайт. Анын бул жолку марафонунун максаты, эки элдин достугун бекемдеп, спортту даңазалоо болуп саналат.
Оболбек Осмонбеков Бишкектен Нур-Султанга чейин 1 200 чакырым аралыкты чуркап өтмөкчү. Аны бир нече унаа коштоп жүрөт.
Оболбек Осмонбеков буга чейин 2021-жылдын 24-мартында, Бишкек шаарынан Ошко чейин 671 чакырымды сегиз күндүн аралыгында чуркап өткөн. Ал эми 2020-жылы ал Ат-Башы районунан Бишкекке 400дөн ашык чакырым чуркаган. Буга чейин ал бир катар ультрамарафондорго катышканы белгилүү.
Осмонбеков спорттун алыскы аралыкка чуркоо түрү менен 2017-жылдан бери машыгып келет.
