Польшанын Кельце шаарында 13-23-апрель күндөрү бокстан жаштар арасында дүйнө биринчилиги болуп өттү. 66 мамлекеттен келишкен жигиттер жана кыздар өз салмактары боюнча жеңүүчүлөрдү аныкташты. Кыздар арасындагы таймашта 7 салмак категориясында индиялык кыздар жеңүүчү болушуп, 7 алтын медаль алышты. Калган 3 салмак боюнча Россия, Өзбекстан жана Түркия бирден алтын медалдуу болушту.
Жигиттер арасындагы таймашта россиялыктар биринчи орунду ээлешти. Алардын энчисинде 2 алтын, 3 күмүш, 2 коло байге бар. Казакстан – 2 алтын, 2 күмүш, 1 коло менен 2-орунда. Өзбекстан – 2 алтын жана 2 коло жеңип алып 3-орунга жайгашты. Бизден Жанторо Ташиев (64 кг) 3-орунду ээлеп кайтты.
