Ташкент шаарында оор атлетика боюнча 17-25-апрель күндөрү өткөн Азия биринчилиги жыйынтыкталды. Оордуктарды көтөрүп мелдешүү жагынан кытайлык жигиттер менен кыздар кыйын экен. Турнирдин жыйынтыгы боюнча Кытай 10 алтын, 5 күмүш жана 1 коло медаль менен командалык эсепте 1-орунду ээлешти. Иран экинчи, Тайвань 3-орунда. Талаа ээлери – Өзбекстан 5 –орун менен чектелди. Кыргызстандан эки спортчу барганы менен ийгилик жарата алышпады. Эмил Молдодосов (81кг) 7-орун менен чектелди.
