Сан-Диегодогу америкалык Psyonic компаниясы кыймылдоо гана эмес, сезүү жөндөмүнө дагы ээ болгон жаңы бионикалык кол жасады. Бул тууралуу hi-tech.mail.ru агенттиги маалымдады.
Протез «Ability Hand» (жөндөм колу) деп аталат. Өзүнө тийген ар бир нерсени сезип, дирилдеген үн аркылуу ээсине белги берет. Ал кадимки адамдын колунан жеңил болгондугу менен өзгөчөлөнүп, салмагы болгону 490 граммды түзөт. Ошондой эле кичинекей топчу сыяктуу буюмдарды кармоого ылайыкташкан.
Бионикалык кол 25 миң доллардан 50 миң долларга чейин бааланат.
