Спорттун пенчак силат түрү боюнча Өзбекстандын Жиззак шаарында өткөн мелдеште кыргызстандык спортчулар 2 алтын жана 1 коло медалга ээ болушту.
65 кг салмактагы Бикбоев Темир жана 34 кг салмактагы Арууке Бикбоева алтын медаль алса, 47 килограммга чейинки салмактагы Аяна Жусупова үчүнчү орунду камсыз кылып, коло медаль тагынды.
Маалымат үчүн: Пенчак силат (Pencak Silat) — бул Индонезия менен Малайзиядан чыккан спорттун түрү. Мында өзүн коргой билүү алдыңкы орунда турат. Ал куралсыз жана куралдуу мелдеш болуп экиге бөлүнөт. Пенчак силатта физикалык гана эмес, психологиялык даярдык дагы өтө маанилүү.
