Жалал-Абад шаарындагы Новои көчөсүндө жайгашкан жеке менчик бала бакчанын ашканасынан өрт чыкты.
Окуя 2025-жылдын 27-май күнү саат 11:48де катталып, шаардык №20 Өрт-куткаруу бөлүмүнөн эки күжүрмөн эсеп тартылган. Куткаруучулар окуя болгон жерден 33 тарбиялануучуну жана 3 тарбиячыны коопсуз жерге эвакуациялашты. Ошондой эле ашканада болгон газ баллондор коопсуз аймакка чыгарылды.
Өрттүн жалпы аянты 120 чарчы метрди түзгөн. Учурда анын келип чыгуу себептери тиешелүү кызматтар тарабынан такталууда.
