Индиянын Ахмедабад шаарында Air India авиакомпаниясына таандык жүргүнчү учагы кырсыкка учурап, акыркы маалыматтар боюнча каза болгондордун саны 290га жетти. Бул тууралуу «Reuters» агенттиги кабарлады.
Маалыматка караганда, учакта жалпысынан 242 адам болгон. Учак медициналык колледждин жатаканасына кулап түшкөндүктөн, каза болгондордун арасында кеминде 5 студент-дарыгер бар экени белгиленди.
Президент Садыр Жапаров бул кырсыкка байланыштуу Индиянын Премьер-министри Нарендра Модиге көңүл айтуу телеграммасын жөнөттү.
Белгилүү болгондой, кырсык кечээ, 12-июнда, бортунда 232 жүргүнчү жана 10 экипаж мүчөсү болгон Air India учагы саат 13:17де Лондонго учуп бара жаткан учурда болгон.
