Чүй облусунун Кант шаарында «Мен чемпион» аталышындагы спорттук оюндар старт алды. Бул тууралуу Дене тарбия жана спорт мамлекеттик агенттиги билдирди.
Иш-чаранын ачылышына Министрлер Кабинетинин Төрагасынын орун басары Эдил Байсалов жана башка расмий өкүлдөр катышты.
Мелдештин алкагында күрөш, бокс, оор жана жеңил атлетика, баскетбол, футбол, волейбол, тогуз коргоол сыяктуу спорттун 14 түрү боюнча таймаштар өспүрүмдөр жана жаштар арасында өтөт. Спорттук оюндар 30-июнга чейин уланат.
