Мөөнөтүнөн мурда шайлоого катышуу ниетин билдиргендердин саны 343кө жетти. Бул тууралуу Борбордук шайлоо комиссиясы (БШК) маалымдады.
Талапкерлерден арыздарды кабыл алуу 30-октябрда жыйынтыкталат. Ал эми шайлоо 30-ноябрда өтөт.
Шайлоо алдындагы үгүт иштери 10-ноябрда башталат.
Боршайкомдун билдирүүсүндө, алдын ала шайлоочулар тизмесине 4 миллион 287 миңден ашык адам кирген. Жарандар 30-октябрга чейин өзүн тизмеден тактап алышы керек.
Шайлоо үчүн өлкө боюнча 2492 шайлоо тилкеси даярдалууда.
