Кыргызстандагы айрым участоктордо АБСнын иштебей калгандыгы тууралуу маалыматтар чындыкка дал келбейт. Бул тууралуу БШКнын төрагасы Тынчтык Шайназаров брифингде билдирди.
Анын айтымында, системанын иши токтоп калган учур болгон эмес жана бир дагы участокто мүчүлүштүк катталган жок.
Төрага технология Кыргызстанда биринчи жолу колдонулуп жатканын, айрым суроолор адамдык фактордон улам гана жаралып, дароо түзөтүлөрүн белгиледи. Ошондой эле ар бир участокто АБС жана башка техникалык каражаттар толук жабдылганын да кошумчалады.
