Кыргызстанга фитосанитардык талаптарга жооп бербеген 562,5 тонна жүк киргизилбей, артка кайтарылды. Бул тууралуу Өсүмдүктөрдү химиялаштыруу, коргоо жана карантин департаменти маалымдады.
2025-жылдын январь–ноябрь айларында жалпы 35 мыйзам бузуу аныкталып, алардын курамына ар кандай жүктөрдөн тышкары 70 миңден ашык көчөт, 11 миңден ашык гүл жана 136 м³ пиломатериал кирген. Жүктөргө мыйзамга ылайык кайтаруу, жок кылуу же зыянсыздандыруу чаралары колдонулган.
Департаменттин билдирүүсүндө, фитосанитардык көзөмөл — өлкөнүн аймагына зыяндуу организмдердин кирүүсүн алдын алуу жана өсүмдүк чарбасын коргоо боюнча маанилүү механизм.
