Транспорт министрлиги кабарлагандай, бүгүн, 8-декабрда ашууларда кар тазалоо иштери жүрүп жатат.
Маалыматка караганда, жол тейлөө кызматтары түнү менен иштеп, жолго кум-туз чачуу иштерин улантышууда.
8-декабрь саат 09:30га карата Бишкек-Ош жолундагы Төө-Ашуу жана Суусамыр-Талас-Тараз унаа жолунун Өтмөк ашуусунда кар жаап жатат. Жол ачык.
Ал эми Бишкек–Нарын–Торугарт жолунун Долон ашуусунда (саат 9:00дон тарта) жана Бишкек-Ош жолунун Ала-Бел ашуусунда (7-декабрь саат 21:00дон тарта) оор жүк ташуучу унааларга киргизилген убактылуу чектөө күчүндө.
Транспорт министрлиги кошумча маалымат берилерин билдирди.
