Маданият, маалымат, спорт жана жаштар саясаты министри Кайрат Иманалиев Европа Бирлиги тарабынан каржыланган «Медиа Диалог» долбоорунун алкагында Кыргыз Республикасынын маалыматтык саясат концепциясынын долбоорун иштеп чыккан жумушчу топ жана эксперттер менен биргеликте талкуулады. Бул иш-чарада бир нече ай бою талдоолордон жана кеңири консультациялардан кийин иштелип чыккан Маалымат саясатынын Концепциясынын долбооруна бир катар сунуштар айтылды. «Медиа Диалог» долбоорунун менеджери Чолпон Ногойбаева: «Концепцияны иштеп чыгуу учурунда 21 терең маектешүү, 2 практикалык семинар, 4 ири талкуу, медиа сектордогу кеңири бир катар талкуулар жана жалпы 572 адамдын катышуусунда сурамжылоолор өткөрүлгөндүгү тууралуу маалымат берди. Маалыматтык саясат концепциясын иштеп чыгууга жалпысынан 500гө жакын адам тартылган. Жумушчу топтун мүчөлөрү Концепциянын долбоору боюнча сунуш- пикирлерди эске алуу менен, июнь айынын аягына чейин иштеп чыгып, Өкмөткө жөнөтө тургандыгын билдиришти.
Маалыматтык саясат концепциясынын долбоору талкууланды
