Казакстандын Нур-Султан шаарындагы Жубанов жана Пушкин көчөлөрүнүн кесилишине орнотула турган Манастын эстелигин жасоого Кыргыз Республикасынын Маданият министрлиги сынак жарыялады. Сынакка катыша турган чыгармалар 24-август саат 16:00гө чейин Гапар Айтиев атындагы Кыргыз улуттук көркөм сүрөт музейинде кабыл алынып, жыйынтыгы 25-августта чыгарылмакчы. “Тандоо Министрликтин Көркөм-эксперттик комиссиясы (КЭК) тарабынан көз карандысыз архитекторлордун, сүрөтчүлөрдүн, скульпторлордун жана искусство таануучулардын катышуусунда кеңейтилген курамда жүргүзүлөт”,-делет маалыматта.
Казакстанда Манастын эстелиги орнотулат
