“Аэрофлот” авиакомпаниясы 26-апрелден тарта Москвадан Каирге учуулардын санын эки эсе көбөйтөт. Египеттин борборуна кыйла сыйымдуу кеңири фюзеляждуу самолёттор уча баштайт деп билдирди компаниянын стратегия, сервис жана маркетинг боюнча тобунун башкы директорунун орун басары Андрей Панов. Компания Түркияга саякаттоого чектөөлөр киргизилгенден кийин россиялыктардын Египетте эс алуу талабын канааттандырууга аракет жасоодо.
Учурда “Аэрофлот” Airbus A321 самолётторун колдонуу менен Москвадан Каирге жумасына алты ирет учууларды аткарууда.
Россия коронавирус менен ооругандардын көбөйүп жаткандыгына байланыштуу кечээ, 15-апрелден тарта 1-июнга чейин Түркия менен Танзанияга туруктуу жана чартердик аба каттамдарын чектеди. Учурда аталган өлкөлөрдө 100 миңден ашык Россиялык туристтер бар.
