Борбордук шайлоо комиссиясынын төрайымы Нуржан Шайлдабекова БШКнын жыйынында айрым участоктордо добуштарды кайра саноо иштери жүрө тургандыгын билдирген. Төрайымдын билдиргенине караганда добуш саноо чечими айрым партиялардын кайрылууларынан кийин кабыл алынган.
Алсак,
№4 Көк-Жар округунда — «Бүтүн Кыргызстан», «Ынтымак» жана «Альянс» партиялары боюнча
№5 Ноокат шайлоо округунда — «Бүтүн Кыргызстан» партиясы
№6 Араван шайлоо округунда — “Альянс” жана “Эл үмүтү” партиялары
№7 Ош округу боюнча — «Ата-Мекен», «Альянс» жана «Эл үмүтү» партиялары
№8 Төлөйкөн округу боюнча — «Ата-Мекен» жана «Эл үмүтү» партиялары
№13 Сузак округу — «Эл үмүтү» партиясы
№14 Жалал-Абад округу боюнча — «Эл үмүтү» партиясынын кайрылуусу боюнча кайра саноо жүргүзүлөт.
Ал эми Ала-Бука районунун №18 округунда бир гана тараптын кайрылуусу болгон. Башка шайлоо участкаларында бузулган бюллетендер боюнча гана арыздар кайра саноодо кабыл алынары белгилүү болду.
№20 Манас району боюнча – “Альянс жана “Социал-демократтар” партияларынын кайрылууларынын негизинде
№21 Талас шайлоо округу боюнча — Социал-демократтар партиясынын талабы боюнча.
№ 32 Кочкор шайлоо округу боюнча — Ынтымак партиясынын талабы боюнча
№26 Ысык-Көл району – «Альянс» жана «Ынтымак» партияларынан талабы боюнча.
№30 Ысык-Ата шайлоо округу боюнча эсептөөлөр боюнча «Альянс» партиясынын кайрылуусунун негизинде бирдиктүү шайлоо округу боюнча кайрадан жыйынтыктар эсептелет.
