Кыргызстандын кыз-келиндер күрөшү боюнча курама командасынын мүчөсү Айсулуу Тыныбекова дүйнөнүн 3 жолку чемпиону аталды.
Тыныбекова польшалык, молдовалык, украиналык жана германиялык балбандарды артта калтырып, финалга өткөн.
Финалдык беттеште япониялык Сакура Мотоки менен күч сынашып, аны 4:1эсебинде жеңип, алтын медалга татыды. Айсулуу Тыныбекова буга чейин дүйнөнүн эки жолку чемпиону болгон.
Белград шаарында өтүп жаткан күрөш боюнча дүйнө чемпионатында Айсулуу Тыныбекова алдыдагы Париж Олимпиадасына жолдомо алды.