Суу ресурстары, айыл чарба жана кайра иштетүү өнөр жайы министрлиги кызыкдар компанияларды жана инвесторлорду Ош жана Баткен облустарына соода-логистикалык борборлорду курууга катышууга чакырат.
Ведомстводон билдиришкендей, логистикалык борбор куруу боюнча долбоор айыл чарба жана кайра иштетүү өнөр жайындагы инфраструктураны өнүктүрүүгө жана жакшыртууга багытталган.
Долбоордун мүнөздөмөлөрү:
— СЛБнын аянты: 3 гектар
— СЛБнын көлөмү: 5 тонна
Долбоордун максаты:
— айыл чарбасынын жана кайра иштетүү өнөр жайынын инфраструктурасын жакшыртуу үчүн заманбап соода-логистикалык аймактарды түзүү;
— айыл чарба продукциясын сактоо жана бөлүштүрүү үчүн заманбап аймактарды берүү аркылуу айыл аймактарын өнүктүрүүгө көмөктөшүү;
— долбоордун туруктуу өнүгүүсүн камсыз кылуу үчүн инвестицияларды жана өнөктөштөрдү тартуу.
Өнөктөштүктөрдүн мүмкүнчүлүктөрү:
— соода-логистикалык борборлорду каржылоого жана курууга катышуу;
— жер тилкелерин берүү жана каттоо мүмкүнчүлүгү;
— СЛБнын натыйжалуу иштешин камсыз кылуу үчүн өнөктөштүктөрдү түзүү;
— жеңилдетилген кредиттерди берүүгө мамлекеттик колдоо көрсөтүү.
Кызыккан компаниялар жана инвесторлор өз кызыкчылыктарын билдирүүгө жана кызматташуу боюнча сунуштарды берүүгө чакырылат. Кошумча маалыматты төмөнкү байланыш маалыматтары аркылуу ала аласыздар:
Ош облусу боюнча Айбек Парпиев
Телефон: 0550825725
Email: aibek.parpiev@mail.ru
Баткен облусу боюнча Нурайым Айдыралиева
Телефон: 0990559028
Email: aydar767672@gmail.com