"Эркин-Тоо"

АКШ кыргызстандыктарга туристтик жана ишкерлик визаны 10 жылга узартты

АКШ 4-марттан тарта Кыргызстандын жарандарына берилүүчү туристтик жана ишкерлик визанын мөөнөтүн 5 жылдан 10 жылга узартты. Бул тууралуу Американын Кыргызстандагы элчилиги билирди.

Жаңы өзгөртүүлөр (10 жылдык жарактуу мөөнөтү) 2024-жылдын 4-мартынан баштап берилген B1, B2 жана B1/B2 визаларына гана тиешелүү. Ал эми мурда берилген визаларга тиешеси жок. Ушул жайда консулдук кызматтын дагы жакшырышы күтүлүүдө.

АКШнын Кыргызстандагы элчиси Лесли Вигеринин айтымында, бул өзгөрүүлөр кыргыз элине кызмат көрсөтүүнү жакшыртууга, өлкөлөр аралык саякатты жөнөкөйлөтүүгө жана биздин байланышыбызды бекемдөөгө багытталган.

Ошондой эле, Кыргызстандын паспортун алып жүргөн жарандан визанын B1, B2 и B1/B2 түрү үчүн алынуучу 20 долларлык төлөм алынбай турган болду.

“Бул өзгөрүүлөр Кыргызстандык миңдеген саякатчыларга пайдалуу, АКШ эки өлкө элинин карым-катышын тереңдетүүгө жеңилдик бергенин даңазалайт», — деп айтылат маалыматта. 

 

Пример HTML-страницы
error: Content is protected !!