Кыргыз режиссеру Актан Арым Кубаттын «Эсимде» аттуу жаңы тасмасы Токио эл аралык кинофестивалынын (Япония) 35-конкурсуна чакырылды. Бул тууралуу Маданият, маалымат спорт жана жаштар саясаты министрлигинин басма сөз кызматынан билдиришти.
Маалыматка караганда, кинофестиваль 24-октябрдан 2-ноябрга чейин өтөт.
«Эсимде» тасмасынын премьерасы 27-октябрда Япониянын борборунда, ошондой эле 29-октябрда жана 1-ноябрда көрсөтүлөт. Көрсөтүүлөр режиссер Актан Арым Кубат жана көрүүчүлөр менен суроо-жооп сессиясы менен коштолот. 2-ноябрда фестивалдын жабылыш аземинде номинациялардын жеңүүчүлөрү жарыяланат.
