Кытай бийликтери монополияга каршы мыйзамды бузгандыгы үчүн Alibaba компаниясын рекорддук 2,7 млрд долларга айыпка жыкты. Бул туурасында Кытайдын рынокторду көзөмөлдөө боюнча мамлекеттик башкармалыгы билдирди.
Териштирүүлөрдүн жүрүшү Alibabaкомпаниясы керектөөчүлөрдү өз кызматтарын “тандоого укугу жок” пайдаланууга мажбурлап жаткандыгын тастыктаган. Бул электрондук коммерциянын кытайлык рыногуна терс таасирин тийгизген деп эсептейт көзөмөлдөөчү орган. Эске салсак, быйыл март айында эле The Wall Street Journal гезити Alibaba компаниясына салынуучу айыпрекорддук суммада болот деп жазган. Ал эми кытай бийликтери компанияга карата териштирүүлөрдү өткөн жылдын декабрында баштаган.
