Теңир-Тоо өрөөнүнүн Таш-Башат айылынын Дүрбөлөң Мамбет уулу атындагы орто мектебинин директору Анаргүл Жолдубаева чет өлкөдө орус тилин жана маданиятын жайылтуу боюнча чыгармачылык демилгелер фестивалында “Педагогикалык технологиялар” номинациясы боюнча жеңүүчү аталды. Билим берүү министрлигинин басма сөз кызматынан билдиришкендей Анаргүл Жолдубаева И.А.Крыловдун “Боз чымчык жана көгүчкөн” тамсилинин негизинде орус адабияты сабагынын сценарийин сунуштап, 30 финалисттин катарына кирген. Анын ичинен 2022-жылдын 19-ноябрында Анталия шаарында алдыңкы он жеңүүчүнүн катарына тандалып алынган. Фестиваль Москва шаарындагы Кошумча кесиптик билим берүүнүн автономдуу коммерциялык эмес уюму “Кадам” Билим берүү инновациялары борбору” тарабынан уюштурулган. Кыргыздын кызы чет өлкөдөн олжолуу кайтып жатса кантип кубанбай коесуң?