Австриянын коалициялык өкмөтү коронавируска каршы россиялык “Спутник V” вакцинасынын 1 миллион дозасын сатып алууну макулдашты деп ТАСС агенттиги билдирди. Вакцинаны колдонуу Европалык дары каражаттары агенттиги (ЕМА)аны каттоого алгандан кийин башталат.
“Биз 50дөн ашык өлкө колдонуп жаткан “Спутник” вакцинасынын 1 миллион дозасын сатып алууга макулбуз жана ЕМА аны тезирээк каттоодон өткөрүп берээрине ишенебиз. Анткени, вакцинанын ар бир кошумча дозасы адамдардын өмүрүн сактап калууга жана жайтурмушка кайтып келүүгө жардам берет”, — деп айтты Австриянын канцлери Себастьян Курц.
Өз кезегинде кечээ, дүйшөмбүдө ант берип кызматына киришкен республиканын саламаттыкты сактоо министри Вольфганг Мюкштайн россиялык вакцинага жакшы деген баасын берди.
