"Эркин-Тоо"

Бакыт Төрөбаев «Hyundai» жана “Азиямоторс” компанияларынын жетекчилери менен жолукту

Министрлер Кабинетинин Төрагасынын орун басары Бакыт Төрөбаев Түштүк Кореянын Hyundai Consraction Equipment компаниясынын вице-президенти жана “Азиямоторс” жоопкерчилиги чектелген коомунун жетекчилиги менен жолукту.

Жолугушуу Кыргызстандын Президентинин инвесторлорду коргоо жана аларды ар тараптуу колдоо боюнча тапшырмасына ылайык уюштурулду.

Жолугушуунун жүрүшүндө аталган компаниялар чыгарган жол куруу машиналары жана ирригациялык жабдуулары менен Кыргызстандын тиешелүү министрликтерин камсыз кылуу боюнча сүйлөшүлдү.

Ага ылайык, Бакыт Төрөбаев компаниянын жетекчилигине атайын техникаларды сатып алуу үчүн узак мөөнөткө пайызсыз бөлүп төлөө шартында жүргүзүү механизмин биргелешип иштеп чыгууну сунуштады.

Белгилей кетсек, өлкө Президентинин тапшырмасына ылайык унаа жана темир жолдорду куруу, эскилерин реабилитациялоо, ошондой эле айыл чарба тармагын өнүктүрүү боюнча долбоорлор ишке ашырылууда.

Пример HTML-страницы
error: Content is protected !!