Баткенде издөөдө жүргөн киши Бишкектен кармалды. Бул тууралуу Баткен ОИИБден билдиришти.
Маалыматка ылайык, Баткен районунун Кайыңды айлынын 28 жаштагы А.К. аттуу тургуну 2021-жылдын май айынан бери соттолгон адамдын сот өкүмүн аткарбоо беренеси менен издөөдө жүргөн.
Баткен районунун аймагында жүргүзүлүп жаткан “Адам сатуу” операциясынын негизинде ал 2022-жылдын июнь айынын аягында Бишкек шаарында жашынып жүргөн жеринен кармалып, Баткен РИИБдин убактылуу кармоо жайына киргизилди. Учурда тергөө иштери жүрүп жатат.