2025-жылдын 14-15-май күндөрү Бишкек шаарындагы Каба уулу Кожомкул атындагы спорт сарайында эркин күрөш боюнча эл аралык турнир өтөт. Мелдеш белгилүү машыктыруучу, СССРдин спорт чебери Валерий Жапаралиевдин жаркын элесине арналып уюштурулат.
Бул тууралуу Дене тарбия жана спорт боюнча мамлекеттик агенттик маалымдап, жеңишке жеткен балбандарга Олимпиадалык спорт түрлөрү боюнча дирекциясы тарабынан диплом жана медалдар ыйгарыларын билдирди.
Балбандар турнирге 57, 61, 65, 70, 74, 79, 86, 92, 97, 125 килограммга чейинки салмакта катышып, күч сынашат.
