Бишкек шаарынын тургунунун унаасынан 3 кг марихуана баңгизаты табылды. Бул тууралуу Ички иштер министрлигинен билдиришти.
Маалыматка ылайык, Бишкек – Торугарт жолунун 23-чакырымында «Тайота Авенсистин» унаасы токтотулуп, текшерүү учурунда унаадан көлөмү 5 литрлик өзгөчө жыты бар эзилген зат табылган.
Алынган заттын жалпы салмагы 3 кг болгон 85 грамм кургатылган марихуана экени аныкталган.
Аталган факт боюнча КР Кылмыш-жаза кодексинин 282-беренесинде каралган кылмыштын белгилери менен кылмыш иши козголуп, кармалган 39 жаштагы С.Р. Октябрь райондук ички иштер башкармалыгынын тергөө кызматына жеткирилген.