"Эркин-Тоо"

Бишкек-Торугарт унаа жолунда жол кырсыгы катталды

Бишкек — Нарын — Торугарт унаа жолунда Mercedes-Benz Sprinter жана Toyota Rav 4 кагышып, тогуз адам жабыркаган. Бул тууралуу Нарын облустук милициясынын басма сөз кызматынан билдиришти.

Маалыматка ылайык,  коомдук унаа 17 жүргүнчү менен Ак-Талаа районунан Бишкектин көздөй жол тарткан, ал эми жеңил автоунаа Нарынга бараткан.

Кырсыктан жабыркаган тогуз адамдын төртөө Toyota Rav 4 унаасында бараткан, бирөө жандандыруу  бөлүмүндө. Ал эми калган 5 адам коомдук унанын жүргүнчүлөрү болгон. Айдоочу жана эки жүргүнчү ооруканага жаткырылган, дагы экөө жандандыруу бөлүмүндө экендиги кабарланды.

Учурда тиешелүү экспертизалар дайындалып, тергөө амалдары жүрүүдө.

Пример HTML-страницы
error: Content is protected !!