Бишкекте 15-16-майда Өзбекстандын кино күндөрү өтөт.
Маданият, маалымат, спорт жана жаштар саясаты министрлигинин маалыматына ылайык, эки күнгө созулган кино күндөрүндө өзбек тасмалары «Россия» кинотеатрында акысыз көрсөтүлмөкчү.
Программасы:
— 15-май, саат 18:30 — «Абдулла Орипов» (реж. М.Эркинов);
— 16-май, саат 16:30 — «Стойкость» (реж. Р.Маликов), саат 18:10 — «Өзбек кызы» (реж. А.Бектурдиева) тасмалары тартууланат.
Кинолор көрсөтүлгөндөн кийин көрүүчүлөр авторлор менен тасманы талкуулоого мүмкүнчүлүк алышат.
Белгиленгендей, маданий иш-чара Кинематография департаменти, Кыргызстан кинематографисттер союзу, «Кыргызтасмасы» киноборбору» мекемеси жана Өзбекстандын маданият министрлигине караштуу Кинематография агенттиги менен биргеликте уюштурулууда.