"Эркин-Тоо"

Бишкекте айрым мектеп окуучулары эки күнгө онлайн окутууга өткөрүлөт

Бишкек шаарында экинчи нөөмөттө окуган мектеп окуучулары эки күнгө онлайн окутууга өткөрүлөт. Бул тууралуу муниципалитеттен билдиришти.

Маалым болгондой, 26-27-январда калаадагы экинчи нөөмөттө окуган окуучулар онлайн окушат.

Мындай чечим борбордук көчөлөрдө маал-маалы менен чектөөлөр киргизилип турганына байланыштуу окуучулардын коопсуздугун камсыз кылуу максатында кабыл алынган.

Белгилүү болгондой, Өзбекстандын президенти Шавкат Мирзийоев Кыргызстанга мамлекеттик сапары менен эртең, 26-январда келет. Буга байланыштуу милиция күчөтүлгөн тартипте кызмат өтөйт.

26-27-январда төмөнкү көчөлөргө маал-маалы менен чектөөлөр киргизилип турат:

  • Манас аэропортунан баштап, Бишкек шаарынын чегине чейин;
  • Фучик көчөсү менен Чүй кең көчөсүнө чейин;
  • Чүй кең көчөсү менен Фучик көчөсүнөн, Манас кең көчөсүнө чейин;
  • Манас жана Ч. Айтматов кең көчөлөрү менен Чүй кең көчөсүнөн тартып, Мамлекеттик резиденцияга чейин;
  • Мамлекеттик резиденциядан Дооронбек Садырбаев көчөсү менен Ата-Бейит мемориалдык комплексине чейин.

Please wait while flipbook is loading. For more related info, FAQs and issues please refer to DearFlip WordPress Flipbook Plugin Help documentation.

Пример HTML-страницы
error: Content is protected !!