16-сентябрда Бишкектеги Дөлөн Өмүрзаков атындагы стадиондо Кыргызстандын 2023-жылкы Кубогунун финалдык беттеши орун алат. Бул тууралуу Кыргыз футболдук союзунан билдиришти.
Кубок үчүн чечүүчү оюнда өлкөнүн учурдагы чемпиону — «Абдыш-Ата» (Кант шаары) жана Премьер-лиганын дебютанты «Мурас Юнайтед» (Жалал-Абад шаары) футболдук клубдары ойношот. Оюн саат 20:00дө старт алат.
Беттештин түз берүүсү «Кыргыз Спорт ТВ» каналынын Ютуб платформасында жана Мегалайн, Акнет, Неотелеком кабелдик түйүндөрүндө жеткиликтүү болот.