"Эркин-Тоо"

Бишкекте мыйзамсыз акча талап кылган мектеп директору кармалды

Бир жуманын ичинде Бишкектеги билим берүү мекемелерине окуучуну кабыл алууда мыйзамсыз акча талап кылгандыгы үчүн 4-мектеп директору кармалды.

Улуттук коопсуздук мамлекеттик комитетинен билдиришкендей 1-сентябрда окуучуну башка мектепке которуу маселеси оң жагына чечилиши үчүн 5000 сом өлчөмүндө акча каражатын алган борбор калаадагы мектептердин биринин директору А.Г.Б. кармалып, УКМКнын тергөө абагынын убактылуу кармоочу жайына киргизилген.

УКМК Президенттин 2023-жылдын 26-майындагы №136 “Балдардын акысыз билим алууга укуктарын ишке ашыруунун мамлекеттик кепилдиктерин камсыз кылуу боюнча чаралар жөнүндө” жарлыгына ылайык, мектептерде, мамлекеттик билим берүү уюмдарында мыйзамсыз акча чогултууга жана ар кандай коомдук фонддорду түзүүгө тыюу салынат жана бардыгы Кыргызстандын мамлекеттик бюджетинен камсыздалат деп жазылган.

Буга байланыштуу УКМК билим берүү мекемелеринин жетекчилерин мыйзамсыз, анын ичинде мектептерде ар кандай коомдук фонддорду түзүү жолу менен акча чогултуу практикасынан баш тартууга жана мындай фактылар үчүн кылмыш жоопкерчилигине тартыларын эскертет.

Белгилей кетсек, буга чейин дагы окуучучуларды 1-класска кабыл алууда акча талап кылган фактылар аныкталып, пара алып жаткан учурда мектеп директорлору кармалган.

Пример HTML-страницы
error: Content is protected !!