Каба уулу Кожомкул атындагы спорт ордосунда жаштар жана чоңдор арасында сумо боюнча Кыргыз Республикасынын чемпионаты болуп өттү. Аны Спорттун олимпиадалык эмес түрлөрү боюнча дирекциясы уюштурду. Мелдешке өлкөнүн бардык аймактарынан келген спортчулар катышып, күч сынашты.
Иш-чаранын салтанаттуу ачылышына Спорттун Олимпиадалык эмес түрлөрү боюнча дирекциясынын директору Бактыяр Бокоев, сумо федерациясынын өкүлдөрү жана атайын чакырылган коноктор катышты. Турнирдин жеңүүчүлөрүнө диплом жана медалдар тапшырылды.
