Бишкек шаарында жол тыгынын жоюу үчүн жаңы жолдун курулушу башталды. Бул тууралуу шаардык мэриядан билдиришти.
Маалыматка ылайык, Элебесов көчөсүнөн Осмонкул көчөсүнө чыгуучу Арал тилкесинде капиталдык оңдоо иштери башталды. Оңдоодон соң, узундугу 1500 метр, туурасы 6 метрди түзгөн, Абдрахманов көчөсү менен Жибек Жолу проспектисинин кесилишинде альтернативдүү жол болмокчу.
Белгиленгендей, курулуш иштеринен тышкары кызыл сызыктан чыгып кеткен тосмолор, кампалар алынган. Жолду оңдоо иштери 10-октябрга чейин бүткөрүү пландалууда.