Дүйнөдөгү эң коркунучтуу эпидемиологиялык кырдаал Бразилияда байкалууда, акыркы суткада 4 миңден ашуун адам каза болду. Бул жалпы пандемия боюнча рекорддук сан.
Жергиликтүү Саламаттыкты сактоо министрлигинин маалыматы боюнча, Бразилияда күнүнө дээрлик 87000 жаңы Covid-19 учуру катталып, 4195 адам каза болгон. Пандемия башталгандан бери өлкөдө 13,1 миллиондон ашык адам оору жуктуруп, 337 миң бейтап көз жумган. Бул дүйнөдө АКШдан кийинки экинчи орунда турат.
Вирус жуктурупалгандардын саны тездик менен өсүп жаткандыгына карабастан, президент Джаир Болсонаро коронавирусту ооздуктоо жана башка чараларды көрүүгө каршы чыгууда. Анын айтымында, чектөөлөрдүн киргизилиши менен, өлкөнүн экономикасы Covid-19 пандемиясынын кесепеттеринен улам жоготууларга караганда алда канча көп зыян тартат.
