Улуу Британияда Oxford-AstraZeneca вакцинасы менен эмдөөдөн өткөн жарандардын арасынан жетөө тромбоздон улам каза тапты. Бул тууралуу ВСС басылмасы Британиянын дары-дармектерди жөнгө салуу агенттигинин берген маалыматына шилтеме менен билдирди.
Жалпы эмделген 18 миллион адамдын арасынан 30 жарандан тромбоз аныкталган. Буга байланыштуу, аталган өлкөнүн тиешелүү адистери вакцинанын таасиринин белгисиз себептерин изилдешүүдө.
Дары-дармектерди жөнгө салуу агенттигинин билдирүүсү боюнча, кандай гана кылдат изилдөөлөр жүргүзүлбөсүн, тобокелдиктер бардык учурда кездешерин айтышат. Дүйнөлүк саламаттык сактоо уюму менен Европанын дары-дармек агенттиги да бул тыянакты колдошту.
Учурда Германия, Франция, Нидерланддар жана Канада мамлекеттери, Oxford-AstraZeneca вакцинасын 60 жашка чейинки курактагы адамдарга колдонууга чектөөлөрдү киргизди.
Британияда Oxford-AstraZeneca вакцинасы менен эмделген 7 адам каза тапты
