Улуу Британиянын тышкы иштер министри Лорд Дэвид Кэмерон Кыргызстанга расмий сапары менен келет. Бул тууралуу Тышкы иштер министрлигинин маалымат кызматы кабарлады.
Министр Жээнбек Кулубаевдин чакыруусу менен 22-23-апрелде Британиянын Тышкы иштер министри Лорд Дэвид Кэмерон Кыргызстанда расмий сапары менен болот.
Сапардын жүрүшүндө министрлер кыргыз-британия кызматташтыгынын келечегин талкуулашат.
Ошондой эле, Лорд Кэмерон Кыргызстандын президенти Садыр Жапаров жана Министрлер Кабинетинин Төрагасы Акылбек Жапаров менен жолугушат.