Бүгүн, 30-ноябрдагы брифингде БШКнын төрагасы Тынчтык Шайназаров жарандарга бюллетенди туура салуу эрежесин айтып өттү. Ал бюллетенди ортосунан же четинен бүктөбөй, түз бойдон салууну, бүктөлгөн бюллетень аппарат тарабынан окулбай калышы мүмкүн экенин эскертти.
Аны менен катар бюллетендин жазуусу бар тарабын системаны каратып салуу керектигин айтты.
«Сиздерден шайлоодогу эрежелерди так сактоону жана өзүңүздөдүн тандооңуздар менен добуш берүүнү суранам», – деди Шайназаров.
